ජීවිතය

මා දන්නේ නෑ...

ජීවිතය යනු කුමක්දැයි

එහෙත් මා ජීවත් වෙයි, ජීවත් වෙනවා යැයි පවසයි

බැඳි බඳිමින් බැඳි කඩමින්

දුක් වෙමින් තුටු වෙමින් මැදහත් සිතින්

මා දන්නේ නෑ...

ජීවිතය යනු කුමක්දැයි

එහෙත් මා ජීවත් වෙයි?, ජීවත් වෙනවා යැයි පවසයි?

 

කැම්පස් කොල්ලා

උදේම නැගිට්ටා ( අටට දහයක් විතර තියලා)

අම්මට හුඩු අටට ලෙක්චර්ස් නේද???

අද යනවද?????? ...... ඔන්න ඔහෙ යනවා

විනාඩි 10 න් ගොඩ

තේ එකක් බොනවද???? ...... කොහෙද යකෝ වෙලාවක් යමං යමං පරක්කුයි

මොනා හරි බඩට දාගමු බං

එළවළු රොටි 3යි....

පිඟානක් එපා අයියේ..   කන ගමන් යමං...

එක්ස්කියුස් මී සර්ර්.....

හැමදාම වගේ ඉස්සරහින්ම ඉඳගත්තා

මලා.... ලෙක්චර්ස් ආවට මුකුත් ගෙනල්ලා නෑනේ.....

මේ... ස්ස්ස්.... ස්ස්ස්....

පෑනක් දෙනවද?.... ආ...කොලේකුත් ඕනේ හී...............

................................................................................

ඕයි නැගිටපන්..... සර් මේ පැත්ත බැලුවා.... ළඟ ඉන්න එකා අනිනවා

ම්ම්ම්.... අහ්හම්.... අහ්හ්ම්....

ඇස් දෙක ලොකු කරා වොලිබෝල ගානට...

තප්පර දෙකයි

මෙන්න ආයෙත් ඇස් ගෙඩි දෙක වැහිලා.............

..............................................................................

ඔන්න අපි ලෙක්චර්ස් යන හැටි.....

බඹරා සහ මල

රොන් බී බඹරිදු මල තලා දමයි

මලේ සියුම් පෙති තුඩින් කිතිකවයි

සිනිඳු මලෙත් හිත ඔහෙ තැලෙන්නමයි

තැලී එකම බඹරෙකුගේ වෙන්නයි

අනේ මලේ මගෙ හිතට හරි දුකයි

දුකින් නමුදු සිත මලේ සුව සොයයි

සුවඳ මලේ මම ඔබ සොයා දුවයි

ඔබේ සියුම් පෙති තුඩින් කිතිකවයි

මලේ මගේ සිත තුටින් පිනා යයි

ඔබයි මමයි අපි හැමෝම එහෙමයි

නික්ම යාම...........

Tribute to all my brothers and sisters @ 06CSE 


ශිල්ප කතරේ ගැලී දැවටී 
සිව් වසක් කල් ගතවුණා ... 
මිතුරු දහමින් සොඳුරු හදකින් 
අප උනුන් වෙත ලංකළා ... 

තක්සලාවේ ශිල්ප නැත මතු 
ඉගෙනගන්නේ අප සැමා ... 
ඉතින් සකිසඳ සමුගනිමු අප 
උනුන් හදවත් බැඳ තබා ... 



----06 CSE ---


words will fade 
codes will forget
but memories you plant
will grow n grow in my heart

ලොකු අම්මා

පුංචි කාලේ ඉස්කෝලේ නිවාඩුවට,
මං දිව්වේ‍ ලොකු අම්මලගේ ගෙදර

ඒ මාත් එක්ක සෙල්ලම් කරන්න ම‍ගෙ වයසෙම තුෂාරයි තුෂාරියි හිටිය නිසාම නෙමේ
අලුත් අලුත් දේට බය නැතුව අතගහන්න සුජිත් අයිය උගන්නපු නිසාම නෙමේ
කොයි වෙලෙත් සැහැල්ලුවෙන් ඉන්න දිස්නා අක්කගේ විහිළු තහළු අහන්නම නෙමේ
වගකීමෙන් වැඩකරන ආශා අක්ක හිටිය නිසාම නෙමේ
පොලිසියේ වෙච්ච රස කතා මහප්පා කියල දුන්න නිසාම නෙමේ
.............................................................................................
 කිරි තේ විතරක් බීපු මට ප්ලේන්ටි බොන්න පුරුදු කරපු,
ලෝබ නැතුව ලොකුම හැන්දෙන් මට ආදරේ බෙදපු,
ජීවිතේ සුන්දරම පැති ගැන මට කියා දීපු,
ම‍ගේ ලොකු අම්මා හිටිය නිසා....

මං හරි වාසනාවන්තයි.
ඒ මට අම්මලා දෙන්නෙක් හිටපු නිසා

ලොකු අම්මේ ගිය තැනකින් මටත් ඉඩක් තියාගන්න
කවදාහරි මාත් එනවා ඔබේ උකුලෙ හිස තියන්න
මේ කපේදී බැරිවුනාට ඔබේ කුසෙන් ලොවට එන්න
සංසාරෙම මට තියෙනව ඔබේ පුතා වෙලා ඉන්න

රෑට මං හරි ආසයි.........

රෑට මං හරි ආසයි
     ඒ රාත්‍රිය ම‍ට ඉගිල්ලෙන්න දෙන නිසා
     ඉගිල්ලිලා ඉගිල්ලිලා ඔයා ලඟටම එන්න දෙන නිසා

රෑට මං හරි ආසයි
     ඒ රාත්‍රිය ම‍ගේ හිත දන්න නිසා
     මගෙ මැරුණු හීනවලට පන පොවන නිසා

රෑට මං හරි ආසයි
     ඒ රාත්‍රිය මට ම‍ඟ කියන නිසා
     ‍නමක් නොදන්නා ඒ සොඳුරු ලෝකය මට පෙන්නන නිසා

දුක සහ සතුට

A :හිතට දුකයිද?
B :ඔව්

A :කොහොමද දන්නේ?
B: සතුට විඳලා තියෙන නිසා